Makina përfshihet nga flakët në autostradën Laç–Mamurras, drejtuesi shpëton pa lëndime

Një automjet tip BMW është përfshirë nga flakët këtë të hënë në autostradën Laç–Mamurras, duke shkaktuar panik te drejtuesi i mjetit. Fatmirësisht, ai ka arritur të dalë në kohë nga makina dhe ka shpëtuar pa lëndime.

Ngjarja ka ndodhur papritur, kur drejtuesi ka vënë re flakët që po përhapeshin nga pjesa e përparme e mjetit. Ai ka braktisur automjetin menjëherë, ndërsa zjarri e ka shkrumbuar atë plotësisht përpara mbërritjes së zjarrfikësve të Laçit. Pavarësisht ndërhyrjes së shpejtë, zjarrfikësit nuk mundën të shpëtonin mjetin.

Paraprakisht dyshohet se zjarri ka shpërthyer si pasojë e një defekti në sistemin elektrik të automjetit. Grupi hetimor ndodhet në vendngjarje dhe po punon për zbardhjen e plotë të rrethanave të incidentit.