Vrasje në Shëngjin i Vogël, autor dërgohet për gjykim

Prokuroria pranë Gjykatës së Shkallës së Parë të Juridiksionit të Përgjithshëm në Tiranë ka përfunduar hetimet dhe ka dërguar për gjykim Isuf Hasën, autorin e vrasjes së Xhemal Metas. Ngjarja e rëndë ka ndodhur më 13 janar 2025 në fshatin Shëngjin i Vogël, ku i pandehuri ka hyrë në shtëpinë e fqinjit të tij dhe e ka goditur me mjete të forta, duke shkaktuar vdekjen e tij.

Gjatë hetimeve, është mësuar se Isuf Hasa ka pranuar akuzat dhe ka deklaruar se ka kryer veprën penale si pasojë e ofendimeve që fqinji kishte bërë ndaj bashkëshortes së tij. Pas krimit, ai ka marrë një sasi parash nga viktima dhe ka fshehur armën e krimit në banesën e vajzës së tij në Vorë.

Aktualisht, çështja është kaluar për gjykim, ku Isuf Hasa do të përballet me akuzat për vrasje.