Në Elbasan bletaria po përhapet gjerësisht, por bletërritësit ankohen së nuk kanë mbështetja nga qeveria, madje as treg ku të shesin mjaltin. Madje së fundmi, edhe ulja e temperaturave ka dëmtuar kosheret në zonat malore dhe kjo do të ulë këtë vit, edhe prodhimin e mjaltit. Bletaria është një ndër fushat, e cila në qarkun e Elbasanit ka pësuar një përhapje të madhe. Por fermerët janë lënë vetëm e në mëshire të fatit, pasi nuk kanë ndihmë nga qeveria. Sipas tyre, rritja e bletëve ka kosto të madhe. Fatmir Shehu, i cili prej 20 vitesh është bletërritës shprehet duhet të tregohet kujdes për bletë. Sipas bletërritësit, një tjetër problem që haset është mungesa e tregut dhe një pike grumbullimi.
Por i ftohti i javëve të fundit ka shkaktuar probleme të mëdha për bletërritësit. Sipas drejtorit të Drejtorisë rajonale, Spiro Hunçi, i ftohti ka frenuar shumimin në koshere dhe dëmtimin e kornizave të kosheres, sidomos në zonat malore te Librazhdit, Prrenjasit, Gramshit.
Problematike për mbarështuesit e bletëve mbeten spërkatjet me pesticide që bëhen tek bimët e zonës, ku në të shumtat e rasteve përdoren helme të dëmshme për bletët që mund të kullosin, teksa koshereve u duhen bërë të gjitha shërbimet për të pasur një bletë që përballon të ftohtin apo sëmundjet, gjë e cila kërkon shumë sakrifica nga ana e fermerëve.
