Është çështje ore që votuesit e parë në diasporë të kenë në dorë zarfin zgjedhor. Report TV ju sjell një material shpjegues se si duhet të veproni, që fleta juaj e votimit të mos dalë e pavlefshme. Duhet të keni kujdes që të mos bëni shënime as mbi zarfet e votimit.
Hapeni zarfin plastik të postës me kujdes. Brenda saj do të gjeni:
1.Një zarf tjetër për kthimin e votës
2.Një manual se si duhet të veproni.
3.Një numërator me kontaktet e postës në të gjitha shtetet
4.Zarfin B i cili ka një kod që tregon se kush jeni ju.
5.Brenda zarfit B do të gjeni zarfin A i cili nuk ka asnjë të dhënë personale dhe është e njëjtë për të gjithë.
6.Brenda në zarfin A, është fleta e votimit.
Në këtë rast, ne kemi mundësi të bëjmë maksimumi 2 zgjedhje:
1.Të votojmë një parti/koalicion
2.Të votojmë vetëm një kandidat
3.Ne mund t’i bëjmë të dyja njëkohësish, por kandidati duhet të jetë i së njëjtës parti (brenda të njëjtës shtyllë).
Nuk mund të votojmë një parti A dhe një kandidat të një partie tjetër B.
Pasi plotësoni fletën e votimit, kryeni këto veprime:
1.Paloseni fletën
2.Futni vetëm fletën e votimit brenda zarfit A dhe mbylleni zarfin A me kujdes.
3.Zarfin A futeni brenda në zarfin B dhe mbylleni edhe atë mirë me ngjitës.
4.Mos bëni asnjë shënim mbi zarfe dhe as mos fusni gjë tjetër në to.
5.Zarfin B të mbyllur mirë futeni brenda zarfit të verdhë plastik për kthimin që jua ka sjellë në KQZ.
6.Nuk ka nevojë të shkruani adresën e KQZ mbi zarfin plastik, pasi ai është i shkruar paraprakisht.
7.Ngiteni mirë edhe pakon postare.
8.Mos shkoni në postë, por telefononi korrierin t’jua marrë në shtëpi.
9.Numrin e postës DHL për shtetin tuaj, do ta gjeni në numëratorin që jua ka sjellë KQZ bashkë me dokumentet e tjera.
10. Korrieri do të vijë në shtëpi në një orar të dakordësuar me ju.
Këshillohet që këto veprime t’i kryeni brenda 3 ditësh nga marrja e zarfit, pasi eleminohen vonesat. Çdo zarf që vjen në Shqipëri pas orës 19 të datës 11 maj, nuk numërohet.
