“LDGSH Dënon Sulmin Politik ndaj Fatmira Kolës dhe Grave të Pavarura në Shqipëri”
Lidhja Demokratike e Gruas së Shqipërisë ka reaguar pas denoncimit të kandidates së “PD-Aleanca për Shqipërinë Madhështore” në Berat, Fatmira Kola, e cila akuzoi pushtetin dhe levat e tij për sulmimin e biznesit të saj në ditën e hapjes së fushatës zgjedhore të Partisë Demokratike. Kola e konsideroi këtë akt si një sulm politik ndaj saj dhe grave të pavarura që ngritën biznese.
LDGSH ka dënuar ashpër këtë akt, duke e cilësuar si një veprim të një shteti dhe Kryeministri hakmarrës, që sulmon gratë e angazhuara në jetën publike dhe ato që guxojnë të jenë të pavarura dhe të zëshme. Ata e konsiderojnë këtë si një sulm ndaj lirive politike, shprehjes dhe sipërmarrjes, si dhe një dhunë politike dhe institucionale me bazë gjinore.
LDGSH kërkoi që Autoriteti i Komunikimeve Elektronike dhe Postare (AKEP) të heqë menjëherë bllokimin ndaj portalit njoftime.al dhe të sigurohet që AKEP të veprojë mbi bazën e ligjit dhe jo urdhrave politike. Ata bënë thirrje për reagime nga Komisioneri për Zgjedhjet, Komisioneri për Mbrojtjen nga Diskriminimi, organizatat për të drejtat e grave dhe komunitetin ndërkombëtar.
