Messi zgjodhi golin e tij më të bukur të karrierës për një projekt bamirës

Lionel Messi, legjenda e futbollit, ka shënuar plot 885 gola gjatë karrierës së tij, por këtë verë iu kërkua të zgjedhë vetëm një. 38-vjeçari vendosi për një nga golat më ikonikë të hershëm të karrierës së tij të lavdishme.

Këtë javë, Messi konfirmoi se paraqitja e tij për Argjentinën ishte e fundit në një ndeshje zyrtare në tokën argjentinase. Shumëkush priste që ai të vazhdonte të luante së paku deri në Kupën e Botës verën e ardhshme në SHBA, Kanada dhe Meksikë. Në atë ndeshje, Messi realizoi dy gola për të shënuar momentin.

Megjithëse shumë e prisnin që ai të zgjidhte një gol nga finalja e Kupës së Botës 2022, Messi preferoi një sukses më të hershëm, që shënoi paraqitjen e tij të madhe në skenën ndërkombëtare. “Për shkak të momentit, për shkak të domethënies, sepse e kurorëzoi një vit të paharrueshëm… për mua është më i rëndësishmi nga të gjithë,” tha Messi, duke folur për golin me kokë ndaj Manchester United në finalen e Ligës së Kampionëve 2009 në Romë.

Ky zgjedhje lidhet me projektin bamirës “A Goal in Life”. Artisti Refik Anadol do ta shndërrojë këtë gol në një vepër arti, ndërsa fondacioni i klubit Inter Miami do ta nxjerrë atë në ankand, me të ardhurat që do të shkojnë për bamirësi, sipas RAC1.