Policia parandalon kontrabandën e mallrave nga Serbia në Kamenicë

Policia e Kosovës ka parandaluar një rast kontrabande me mallra në Kamenicë, duke sekuestruar një ngarkesë me vlerë prej rreth 10 mijë eurosh.

Sipas raportit 24-orësh të Policisë, më 8 shtator 2025, rreth orës 20:20, njësia policore ka ndaluar një traktor që drejtohej nga një shtetas i Serbisë. Në mjet ishte i ngarkuar mall – ushqim për peshq – që dyshohet se ishte futur në Kosovë përmes rrugëve ilegale.

Policia ka bërë të ditur se i dyshuari është arrestuar dhe, me vendim të prokurorit, është dërguar në mbajtje. Ndërkohë, malli është dërguar në terminalin doganor për procedura të mëtejme.