PD padit ish-nënkryetaren e bashkisë Korçë, Besa Spaho për shkelje të ligjit zgjedhor

Drejtuesi politik i Partisë Demokratike në Korçë, Ivi Kaso, ka reaguar pas denoncimit të bërë për ish-nënkryetaren e bashkisë Korçë dhe kandidate të Partisë Socialiste, Besa Spaho. Kaso ka theksuar se PD ka paditur penalisht Besën për shkelje të rënda të ligjit zgjedhor, duke e referuar atë dhe enturazhin e saj në SPAK.

Kaso ka akuzuar drejtorët rajonalë të institucioneve të ndryshme si AKU, hipotekës dhe tatim taksave për përpjekjet e tyre për të blerë vota dhe për të ushtruar presion mbi qytetarët dhe bizneset për të mbështetur kandidaturën e Spahos. Ai ka paralajmëruar të gjithë ata që janë përfshirë në këto aktivitete se pas datës 11 maj do të përballen me drejtësinë, përveçse me Partinë Demokratike.

Kaso ka ftuar qytetarët që të votojnë në mënyrë të qetë dhe të sigurtë më 11 maj, duke u garantuar se vota e tyre do të ruhet dhe mbrohet. Ai ka theksuar se PD është në krye të detyrës dhe do të monitorojë procesin zgjedhor, duke i referuar të gjitha informacionet te SPAK dhe institucionet ndërkombëtare.

Partia Demokratike e sheh datën 11 maj si mundësi për të sjellë ndryshimin, duke ftuar qytetarët të mbështesin kandidaturën e saj me numrin 1.