Jim O’Neill emërohet drejtor i ri i CDC-së pas largimit të papritur të Susan Monarez
Shtëpia e Bardhë ka njoftuar emërimin e Jim O’Neill si drejtor të ri i Qendrave për Kontrollin dhe Parandalimin e Sëmundjeve të SHBA-së (CDC), vetëm një ditë pas largimit të papritur të Susan Monarez, e cila mbajti këtë post vetëm për një muaj.
O’Neill, aktualisht zëvendës i Sekretarit të Shëndetësisë Robert F. Kennedy Jr., do të marrë drejtimin e një prej institucioneve më të rëndësishme të shëndetit publik në SHBA, në një periudhë sfiduese për sistemin shëndetësor amerikan.
Avokatët e Monarez kanë reaguar menjëherë, duke e quajtur largimin e saj të paligjshëm. “Ajo ishte shënjestër e Kennedy sepse refuzoi të miratonte direktiva joshkencore dhe të pamatura,” thanë ata, sipas BBC-së.
Sipas Shtëpisë së Bardhë, arsyeja zyrtare e largimit ishte mos-përputhja me axhendën e presidentit.
