Gjeneva gjen zgjidhje për mungesën e parkimeve: 130 vende të reja P+R në Ferney-Voltaire

Për të lehtësuar krizën e parkimeve në qytetin dhe kantonin e Gjenevës, Fondacioni i Parkimit i Gjenevës ka vënë për herë të parë në dispozicion 130 vende të reja parkimi të tipit P+R (Parkoni dhe Ride) në komunën franceze Ferney-Voltaire, në rajonin Ain.

Sipas burimeve nga portali “The Local”  kjo masë e re synon të zbusë mungesën akute të hapësirave për parkim, të shkaktuar nga projektet e shumta të ndërtimit dhe mirëmbajtjes së rrugëve në Gjenevë.

Këshilltari i Shtetit, Pierre Maudet, deklaroi se kjo iniciativë do t’u mundësojë banorëve të Gjenevës që të parkojnë jashtë kufirit, në një distancë të afërt, dhe të udhëtojnë më pas drejt qendrës së qytetit me transport publik. “Qëllimi është të zvogëlojmë presionin mbi zonat urbane, duke ulur ndjeshëm trafikun dhe ndotjen,” tha ai.

Ky projekt përfaqëson një bashkëpunim të ngushtë ndërkufitar mes autoriteteve zvicerane dhe franceze, si një model i suksesshëm për të përballuar sfidat e urbanizimit të shpejtë. Përfituesit kryesorë do të jenë qytetarët e Gjenevës, të cilët do të kenë më shumë zgjedhje për parkim dhe do të shmangin stresin e përditshëm në kërkim të një vendi në qytet.