Enver Hoxhaj uron SHBA-në për 249-vjetorin e Pavarësisë: “Mirënjohja e Kosovës nuk do të shuhet kurrë”
Me rastin e 249-vjetorit të Pavarësisë së Shteteve të Bashkuara të Amerikës, ish-ministri i Jashtëm i Kosovës dhe deputet i Kuvendit, Enver Hoxhaj, ka përcjellë urimet e tij për aleatin më të ngushtë të Kosovës, SHBA-në.
Përmes një postimi në rrjetet sociale, Hoxhaj ka theksuar lidhjen e veçantë dhe të pathyeshme mes dy popujve, duke shprehur mirënjohje të thellë për mbështetjen amerikane ndaj Kosovës.
“Urime Dita e Pavarësisë aleatit tonë më të rëndësishëm në botë – Shteteve të Bashkuara të Amerikës. Mirënjohja dhe dashuria e popullit të Kosovës për ShBA-në nuk do të shuhet asnjëherë,” shkroi ai, duke bashkangjitur edhe flamujt e dy vendeve 🇺🇸🇽🇰.
Shtetet e Bashkuara kanë qenë ndër mbështetësit më të mëdhenj të Kosovës, si gjatë luftës, ashtu edhe në proceset shtetformuese dhe demokratike të pasluftës.
