Federata Shqiptare e Futbollit informon tifozët aktivë për ndeshjen Shqipëri – Serbi

Federata Shqiptare e Futbollit (FSHF) ka njoftuar të gjithë anëtarët aktivë të Klubit të Tifozëve që kanë përfituar paketat për sezonin aktual, se për ndeshjen Shqipëri – Serbi që do të luhet më 7 qershor 2025, nuk është e nevojshme të regjistrohen në formularin për shortin e biletave.

Të gjithë tifozët që janë pjesë e këtij klubi dhe kanë përfituar paketat, kanë vendin e garantuar në stadium dhe do të marrin një link të personalizuar për të realizuar blerjen e biletës brenda periudhës së përcaktuar. Tifozët ftohen të ndjekin këtë procedurë për të siguruar pjesëmarrjen në një nga ndeshjet më të rëndësishme të ekipit kombëtar.