Berisha falënderon DASH dhe Rubio: Vendimi është një shpërblim për demokratët që qëndruan për të vërtetën

Kreu i Partisë Demokratike, Sali Berisha, ka reaguar pas një deklarate të Departamentit Amerikan të Shtetit (DASH), duke e cilësuar atë si një fitore ndaj përpjekjeve politizuese për të goditur opozitën në Shqipëri. Ai ka akuzuar administratën e presidentit Biden, si dhe kryeministrin Edi Rama dhe filantropin George Soros, për tentativa të dështuara për të ndëshkuar opozitën konservatore në vend.

Berisha vlerësoi deklaratën e DASH, e cila sipas tij, shpreh distancimin nga qëndrimet politike të administratës së mëparshme amerikane dhe përbën një sinjal të fortë për mbrojtjen e opozitës dhe demokracisë. Në qendër të reagimit të tij ishte falënderimi për sekretarin e Shtetit, Marco Rubio, si dhe për administratën e re amerikane dhe ish-presidentin Donald Trump.

“Ky vendim është gjithashtu një shpërblim i madh për të gjithë ata demokratë që në kushtet më të pazakonta qëndruan për kauzën e drejtë, për të vërtetën, e cila vonon, por nuk harron”, u shpreh Berisha.

Ai e konsideroi këtë qëndrim si një dëshmi të dështimit të “vendimeve të ekstremit të majtë” dhe një goditje ndaj përpjekjeve për të eliminuar opozitën në Shqipëri.