Këlliçi kritikon SPAK: Task Forca në letargji, asfalti elektoral maskohet si investim për qytetarët

Drejtuesi politik i PD për Qarkun e Tiranës, Belind Këlliçi, ka denoncuar përmes një videoje në rrjetet sociale hedhjen e asfaltetit elektoral në rrugën e vjetër nga TEG-u deri në Mullet. Sipas tij, ky proces po kryhet në kundërshtim me ligjin dhe pa asnjë standard cilësie.
Këlliçi paralajmëron se asfalti do të dëmtohet nga shirat e parë të vjeshtës, duke e konsideruar atë një mashtrim elektoral. Ai thekson se qytetarëve po u paraqiten si “investime” punime të paligjshme dhe të rrezikshme. Në reagimin e tij, Këlliçi kërkon ndërhyrjen e Task Forcës së SPAK-ut për krimet elektorale. Sipas tij, ky institucion duhet të dalë nga “gjumi letargjik” dhe të reagojë ndaj shkeljeve të përsëritura.

Postimi i plotë:
Asfalti elektoral i paligjshëm vijon të hidhet në rrugën e vjetër nga TEG-u deri në Mullet.
Në kundërshtim me ligjin, pa asnjë cilësi dhe i demtueshëm nga shirat e parë të vjeshtës, asfalti elektoral vijon t’u serviret qytetarëve si “investim”.
Task Forca e SPAK-ut duhet të zgjohet nga gjumi letargjik dhe të reagojë ndaj shkeljeve të përsëritura të ligjit të denoncuara nga Partia Demokratike.