Eni Vasili emërohet Drejtore e Përgjithshme e RTSH-së me mandat 5-vjeçar
Gazetarja e njohur Eni Vasili është zgjedhur Drejtore e Përgjithshme e Radio Televizionit Shqiptar (RTSH), pas një votimi të zhvilluar këtë të premte nga Këshilli Drejtues i institucionit. Vasili siguroi 7 vota pro në raundin e dytë, duke u bërë kështu drejtuese e re e RTSH-së me një mandat pesëvjeçar.
Në raundin e parë të votimit, asnjë nga kandidatët nuk arriti të marrë shumicën e nevojshme të votave. Vasili kryesonte me 5 vota, e ndjekur nga Xhoi Jakaj dhe Engjëll Musai me nga 2 vota secili, ndërsa Ermal Hoxha dhe Flamur Buçpapaj morën nga 1 votë.
Kandidatët për postin e Drejtorit të Përgjithshëm të RTSH-së ishin:
Eni Vasili – 5 vota në raundin e parë
Xhoi Jakaj – 2 vota
Engjëll Musai – 2 vota
Ermal Hoxha – 1 votë
Flamur Buçpapaj – 1 votë
Pas dështimit për të arritur kuorumin në raundin e parë, raundi i dytë rezultoi vendimtar për Eni Vasilin, e cila tashmë do të udhëheqë institucionin publik mediatik për pesë vitet e ardhshme.
