Dy persona grabisin pikën e karburantit në Selanik, merren 200-300 euro

Një grabitje ka ndodhur në orët e para të së premtes, më 25 prill, në një pikë karburanti në zonën e Stavroupoli në Selanik. Dy persona, të cilët kishin fytyrat të mbuluara, janë futur në stacionin e karburantit në rrugën Lagada rreth orës 01:30 të mëngjesit. Ata kanë kërcënuar me thikë punonjësin dhe kanë marrë një shumë parash nga kasa.

Sipas informacioneve të ERT-së, shuma që ata kanë arritur të marrë është mes 200 dhe 300 euro. Pas aktit të dhunshëm, autorët janë zhdukur në drejtim të panjohur, ndërsa policia ka nisur hetimet për zbardhjen e ngjarjes.