Edmond Llabani ,komandohet Drejtor i Institucionit të Ekzekutimit të Vendimeve Penale Peqin.
Pas dorëheqjes së papritur të z. Florenc Doka, Edmond Llabani është komanduar në detyrën e Drejtorit të Institucionit të Ekzekutimit të Dënimeve Penale në Peqin. Llabani është një profesionist i njohur në fushën e drejtësisë dhe administratës publike dhe ka një përvojë të gjerë në menaxhimin e institucioneve të ngjashme, shkruan A2 CNN.
Ai ka kontribuar në mënyrë të dukshme gjatë karrierës së tij si zv.drejtor i këtij institucioni dhe në përfundim të një periudhe të suksesshme si zv.drejtor, Llabani është përzgjedhur nga Ministri i Drejtësisë, për të marrë drejtimin e institucionit.
Kjo është një detyrë me përgjegjësi të madhe për të siguruar funksionimin e duhur të sistemit të ekzekutimit të dënimeve dhe për të garantuar respektimin e të drejtave të të dënuarve në përputhje me ligjin dhe standardet ndërkombëtare.
