PSG–Inter Miami dhe Bayern–Flamengo: Duel për një vend në çerekfinale të Kupës së Botës për Klube

Faza e 1/8 së finales së Kupës së Botës për Klube nis sot me dy ndeshje tejet të rëndësishme, ku katër skuadra elitare do të luftojnë për një biletë drejt çerekfinales së turneut.

Në sfidën e parë të ditës, Paris Saint-Germain përballet me Inter Miami-n në orën 18:00. Klubi francez shihet si favorit, por përballë do të ketë një kundërshtar të rrezikshëm me emra të mëdhenj në përbërje si Lionel Messi, Luis Suarez, Sergio Busquets dhe Jordi Alba. Inter Miami kërkon të surprizojë në këtë garë prestigjioze dhe të vazhdojë ëndrrën në skenën ndërkombëtare.

Ndërkohë, në orën 22:00, Bayern Munich përballet me Flamengon në një tjetër sfidë të zjarrtë. Gjermanët synojnë të konfirmojnë forcën dhe eksperiencën e tyre në kompeticionet ndërkombëtare, ndërsa skuadra braziliane vjen e motivuar për të përfaqësuar me krenari futbollin e Amerikës Latine.

Të dyja ndeshjet janë pjesë e fazës play-off, dhe fituesit e këtyre dueleve do të kalojnë në çerekfinale, ku i presin kundërshtarë edhe më të fortë në rrugëtimin drejt trofeut.

Spektakli dhe emocionet janë të garantuara sot në arenën e Kupës së Botës për Klube.