ZMDV trajton 44 raste të reja të viktimave të krimit në Kosovë

Zyra për Mbrojtje dhe Ndihmë të Viktimave (ZMDV), që funksionon në kuadër të Zyrës së Kryeprokurorit të Shtetit, ka bërë të ditur se gjatë periudhës 22–29 gusht 2025 janë trajtuar gjithsej 44 raste të reja në nivel vendi.

Sipas të dhënave zyrtare, rastet ndahen si vijon:

• 40 raste të dhunës në familje,
• 2 raste dhunimi,
• 1 rast vrasje e rëndë në tentativë,
• 1 rast tentim dhunimi.

Gjatë kësaj periudhe janë parashtruar gjithsej 18 kërkesa për urdhër mbrojtjeje (KUM) dhe 12 kërkesa për urdhër mbrojtjeje emergjente (KUME), ndërsa janë regjistruar edhe 2 kërkesa për ndërprerje të urdhrit të mbrojtjes nga pala.

Në punën e saj të përditshme, ZMDV ka marrë pjesë në 57 seanca gjyqësore dhe 13 seanca në prokurori, ka dhënë 55 këshilla juridike, si dhe ka përfaqësuar raste në polici (3 raste) dhe në strehimore (1 rast).

Gjithashtu, janë miratuar 18 aktvendime, janë tërhequr 2, janë shpallur 3 aktgjykime dënuese, si dhe janë marrë 5 vendime për kompensimin e viktimave, përfshirë 1 kërkesë për kompensim nga fondi për viktima.

ZMDV thekson se mbetet e angazhuar në ofrimin e mbështetjes ligjore, psikologjike dhe institucionale për të gjitha viktimat e krimit në Republikën e Kosovës.