Ulet koha e pritjes në pikat kufitare, pas kolonave deri në tri orë mbrëmë në Merdarë

Pas pritjeve të gjata deri në tri orë që u regjistruan mbrëmë në pikën kufitare në Merdarë, situata këtë mëngjes është përmirësuar dukshëm.

Sipas përditësimit të fundit nga Qendra Kombëtare për Menaxhimin Kufitar, koha e pritjes për të dalë nga Kosova në Merdarë ka rënë në rreth 20 minuta.

Gjendja paraqitet edhe më e lehtësuar në pikat tjera kufitare. Në Dheu i Bardhë dhe në Jarinjë pritjet aktualisht shkojnë deri në 10 minuta.

Autoritetet u bëjnë thirrje qytetarëve që të informohen në kohë reale për gjendjen në kufi, në mënyrë që të shmangin pritjet e gjata.