Tragjedi në Milano, humb jetën 24-vjeçari nga Kosova
Një ngjarje tragjike ka ndodhur në Milano, Itali, ku një 24-vjeçar nga Kosova ka humbur jetën mëngjesin e sotëm. Viktima, Endrit Ademi, ka rënë nga kati i tretë i një pallati gjatë një ndërhyrjeje në fasadën e ndërtesës, duke ndodhur ngjarja rreth orës 9:30 të mëngjesit.
Sipas raportimeve të para, Ademi, i cili ka jetuar në Itali për gati 6 vjet, ishte duke kryer punime rutinore mirëmbajtjeje në një kat të një apartamenti. Ai ka rrëshqitur nga një skelë dhe ka rënë nga një lartësi prej rreth 12 metrash, duke ndodhur vdekjen në vend.
Endrit Ademi jetonte në Itali, ndërsa prindërit dhe një vëlla i tij jetojnë në Kosovë, ndërsa vëllai tjetër ndodhet në Austri. Pas ngjarjes tragjike, një bashkëatdhetar i viktimës ka shprehur dhimbjen e tij: “Ai ishte një djalë i mirë, një mik i imi”, ka thënë ai, duke shprehur ngushëllime për humbjen.
Prokuroria Publike e Milanos ka nisur hetimet për të zbardhur rrethanat e ngjarjes dhe për të verifikuar kushtet e sigurisë gjatë punës, ndërsa trupi i pajetë do t’i nënshtrohet autopsisë dhe kontrolleve të nevojshme.
