Tiranë: Kufizime të qarkullimit dhe parkimit për “Giro d’Italia 2025” – Ja segmentet dhe oraret që preken

Në kuadër të zhvillimit të etapës së parë të garës ndërkombëtare të çiklizmit “Giro d’Italia 2025”, e cila do të kalojë për herë të parë nëpër rrugët e Tiranës më 9 dhe 10 maj, do të ketë kufizime të shumta në qarkullimin dhe parkimin e automjeteve. Autoritetet kanë publikuar planin zyrtar të menaxhimit të trafikut për të mundësuar zhvillimin normal të eventit sportiv dhe garantimin e sigurisë.

Ndalim qarkullimi dhe parkimi – 9 maj 2025, ora 13:00 – 18:00
Segmentet e rrugëve që do të jenë të bllokuara:

Rruga SH3 (nga fshati Gracen deri në rrethrrotullimin e TEG)

Nga TEG te rrethrrotullimi i Sanatoriumit

Rruga e Elbasanit

Bulevardi Bajram Curri

Rrugët: Ali Shefqeti, Alajdin Frashëri, e Rexhekrit, Muhamet Deliu (deri te rrethrrotullimi i Freskut), Sotir Çaci, Xhanfize Keko, Arkitekt Kasemi

Bulevardet: Zhan D’Ark, Dëshmorët e Kombit

Segmenti pas Pallatit të Kulturës

Rruga Dëshmorët e 4 Shkurtit

Zona brenda ish-Gardës së Republikës

Zona me akses të kufizuar (banim):

Rrugët lidhëse me “Papa Gjon Pali” (p.sh. “Dervish Hima”, “Asim Zeneli”, “Ismail Qemali” etj.) nuk kanë dalje 13:00–18:00

Pazari i Ri dhe “Hoxha Tahsim” – dalje vetëm nga rruga e Dibrës (Farmacia 10)

Zona Qyteti Studenti, Ali Demi, Shkolla e Baletit, Ish-tregu elektrik – dalje në rrugët “Pasho Hysa” dhe “Pjetër Budi”

Kodra e Priftit – e izoluar gjatë orarit të bllokimit

Tirana e Re dhe Blloku – dalje përmes “Kristo Luarasi” dhe digës së Liqenit

Rruga Myslym Shyri dhe Rruga e Kavajës – akses përmes rrugës së ambasadave

Ndalim parkimi – 10 maj 2025, ora 08:00 – 11:00
Segmentet që ndalojnë parkimin:

Zona “Zogu i Zi”

Rrugët: Rruga e Durrësit, Fortuzi, Dervish Hatixhe, Barrikadave, pas Pallatit të Kulturës

Ndalim qarkullimi dhe parkimi – 10 maj 2025, ora 10:00 – 18:00
Segmentet kryesore të bllokuara:

Sheshi Skënderbej, rrugët: Urani Pano, Dedë Gjo Luli, Ibrahim Rugova, Dëshmorët e 4 Shkurtit, Lek Dugagjini, Dervish Hima, Abdyl Frashëri

Bulevardet: Gjergj Fishta, Bajram Curri, Zogu I

Rruga e Elbasanit deri në rrethrrotullimin e Saukut

Zona pas Pallatit të Kulturës (akomodimi i ekipeve)

Zona me akses të kufizuar (banim):

Rrugët që lidhen me “Papa Gjon Pali” dhe Blloku Ukraina e Lirë – pa dalje 10:00–18:00

Devijimi i trafikut për datën 10 maj:

Pazari i Ri dhe “Hoxha Tahsim” – dalje vetëm nga rruga e Dibrës dhe rruga e Barrikadave

Rruga e Kavajës dhe “Myslym Shyri” – kalim vetëm përmes “Dritan Hoxha” drejt Unazës së Re

Qyteti Studenti, Ali Demi, Shkolla e Baletit – dalje në rrugët “Pasho Hysa”, “Pjetër Budi” dhe drejt Shkozës

Kujdes! Qytetarët këshillohen të shmangin lëvizjet me automjete në zonat e përmendura dhe të ndjekin udhëzimet e policisë rrugore për të evituar vonesa dhe konfuzion gjatë dy ditëve të eventit.

📍Për çdo informacion të mëtejshëm, kontaktoni me strukturat e Bashkisë së Tiranës apo Policinë Rrugore.