Stuhia sjell trafik të jashtëzakonshëm ajror në Aeroportin e Rinasit

Moti i keq dhe stuhia e fuqishme që po afrohet kanë shkaktuar një trafik të pazakontë ajror në Aeroportin Ndërkombëtar “Nënë Tereza” në Tiranë.

Sipas raportimeve, shtatë avionë janë ulur njëri pas tjetrit brenda një kohe të shkurtër, duke krijuar një situatë jo të zakonshme për aeroportin.

Ndërkohë, një avion i kompanisë ajrore LOT Polish Airlines nuk ka mundur të ulet për shkak të erës së fortë, pavarësisht manovrave të pilotit, duke u detyruar të kërkojë një zgjidhje alternative.

Autoritetet aeroportuale janë në gatishmëri, ndërsa pasagjerët raportojnë për vonesa në fluturime për shkak të kushteve atmosferike.