Stuhi e papritur në Durrës, shi dhe erë të fortë përfshijnë bregdetin

Moti i paqëndrueshëm ka përfshirë sot qytetin e Durrësit, duke sjellë shi të rrëmbyeshëm dhe erë të fortë. Pas një paraditeje me diell, kushtet e motit ndryshuan papritmas, duke krijuar atmosferën e një stuhie verore.

Gjiri i Durrësit është përfshirë nga kushtet e vështira meteorologjike, ndërsa në zonën e plazhit çadrat u mbyllën dhe pushuesit u larguan për shkak të reshjeve të dendura dhe erës së fortë. Ky ndryshim i motit shënon një përmbysje të menjëhershme të ditëve të nxehta të verës, duke i dhënë këtij fundgushti nuanca të hershme vjeshteje.

Meteorologët paralajmërojnë që moti i paqëndrueshëm mund të vazhdojë edhe gjatë ditëve në vijim.

/TCh/