Si të mbroni pronën tuaj nga vëzhgimi në Google Street View

Google Street View, pjesë integrale e Google Maps, po shqetëson ekspertët e sigurisë për shkak të mundësisë që ofron për kontroll të detajuar të shtëpive dhe pronave private nga persona të paautorizuar. Kamera panoramike të këtij shërbimi mund të zbulojnë informacione të rëndësishme si numrin e dritareve, kamerat e sigurisë të instaluara, apo automjetet e parkuara jashtë, duke u bërë një mjet potencial për vëzhgim dhe planifikim të krimeve.

Eksperti i sigurisë Will Geddes këshillon përdoruesit që të kërkojnë zhdukjen e imazheve të pronave të tyre nga Google Street View për të parandaluar rreziqet e ndjekjes apo vjedhjeve. Për ta bërë këtë, përdoruesit duhet të përdorin opsionin “Report a problem” në Google Maps dhe të kërkojnë zbehjen e imazhit të shtëpisë së tyre.

Google njofton se, pasi kërkesa për zhdukje të imazhit të aprovohet, ajo nuk mund të anulohet më. Kjo nismë konsiderohet një masë e rëndësishme për të mbrojtur privatësinë dhe sigurinë e qytetarëve në epokën digjitale.