Shqipëria U21 nis grumbullimin, dy risitë dhe ftesa për lojtarë nga Kategoria e Parë

Trajneri i Kombëtares U21, Alban Bushi, ka shpallur listën me 23 lojtarë të ftuar për dy ndeshjet miqësore të muajit shtator ndaj Gjermanisë dhe Zvicrës.

Në këtë grumbullim ka dy risitë kryesore: mbrojtësi i Hellas Verona, Adi Kurti, dhe portieri i Inter, Alain Taho, të cilët ftohen për herë të parë në ekipin U21, pas paraqitjeve të mira me kombëtaret e moshave U15, U16, U17 dhe U19.

Lista përfshin gjithashtu gjashtë lojtarë nga klubet e Kategorisë së Parë dhe Abissnet Superiore në Shqipëri. Ndër të ftuarit është edhe futbollisti i Malishevës, Etnik Brruti, i cili nuk ka marrë ftesë nga kombëtarja A e Shqipërisë.

Grumbullimi i ekipit U21 do të nisë më 31 gusht, me seancën e parë stërvitore të planifikuar pasdite.

Ndeshja e parë miqësore, Shqipëri U21 – Gjermani U21, do të luhet më 5 shtator në orën 18:00, në “Elbasan Arena”.
Ndërsa takimi i dytë, Zvicër U21 – Shqipëri U21, do të zhvillohet më 8 shtator në orën 18:30, në stadiumin “Brügglifeld” të qytetit Aarau.