PS fiton bindshëm në Vlorë: 8 mandate për socialistët, 4 për opozitën

Ka përfunduar procesi i numërimit të votave në qarkun e Vlorës për zgjedhjet parlamentare të 11 majit, duke konfirmuar një fitore të thellë për Partinë Socialiste. Sipas rezultateve përfundimtare, PS ka siguruar 58.73% të votave dhe do të përfaqësohet me 8 deputetë në Kuvend.
Koalicioni i Partisë Demokratike ka arritur të marrë 4 mandate, duke ruajtur një përfaqësim të qëndrueshëm si forcë opozitare në këtë qark bregdetar.
Zgjedhjet në Vlorë u zhvilluan në mënyrë të qetë, pa incidente madhore, ndërsa pjesëmarrja e qytetarëve në votim është konsideruar e konsiderueshme nga autoritetet zgjedhore.

Rezultatet riafirmojnë Vlorën si një bastion tradicional të së majtës, me një mbështetje të fortë për Partinë Socialiste edhe në këtë proces elektoral.