Presidentja Osmani takohet me Donald dhe Melania Trump në Vatikan para varrimit të Papa Françeskut

Presidentja e Kosovës, Vjosa Osmani, ka zhvilluar një takim të shkurtër me ish-presidentin amerikan, Donald Trump, dhe Zonjën e Parë Melania Trump, para fillimit të ceremonisë së varrimit të Papa Françeskut.

Takimi ka ndodhur në Bazilikën “Shën Pjetri”, ku të tre u panë duke shtrënguar duart, siç dëshmohet nga fotografitë e publikuara. Ata ndodheshin në Vatikan për të marrë pjesë në ceremoninë madhështore të lamtumirës për Papën.

Papa Françesku ndërroi jetë në moshën 88-vjeçare, pasi pësoi një goditje në tru të hënën e Pashkëve. Vetëm një ditë më parë, ai ishte shfaqur para besimtarëve për të dhënë bekimin tradicional në Sheshin “Shën Pjetri”, në një nga momentet më të rëndësishme të kalendarit të krishterë.