Përkujtim për personat e zhdukur në Kosovë

E Ngarkuara me Punë e ambasadës amerikane në Kosovë, Anu Prattipati, ka bërë homazhe te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë.

Në ceremoninë përkujtimore ishin edhe presidentja e Kosovës, kryeparlamentari dhe kryeministri në detyrë, si dhe ambasadorë të vendeve të tjera.

Ambasada e SHBA-së tha se solidarizohet me familjet e të zhdukurve dhe riafirmoi angazhimin për drejtësi. “Çdo familje meriton përgjigje për fatin e të dashurve të tyre”, shkruan ambasada.