Në prag të përfundimit të fushatës elektorale për zgjedhjet parlamentare të 11 majit, Partia Demokratike intensifikon mobilizimin në terren, me një agjendë të ngjeshur takimesh me qytetarët dhe mbështetësit. Kreu i PD-së, Sali Berisha, do të zhvillojë takimet përmbyllëse të kësaj të shtune në dy qytete të rëndësishme bregdetare: Fier dhe Vlorë.
Sipas njoftimit nga zyra e shtypit e PD-së, aktiviteti përmbyllës në Fier do të zhvillohet në orën 18:00 në sheshin qendror të qytetit, ndërsa në orën 20:00, Berisha do të jetë në Vlorë për të finalizuar fushatën edhe në këtë qark.
Gjatë këtyre takimeve, Berisha pritet të prezantojë për herë të fundit kandidatët e koalicionit PD-ASHM për Qarkun e Fierit, i cili jep 16 mandate për Kuvendin e Shqipërisë, si dhe për Qarkun e Vlorës, që përfaqësohet me 12 mandate.
Fushata e PD-së në këto qarqe synon të japë mesazhin e fundit politik para qytetarëve, ndërsa numërimi mbrapsht për zgjedhjet e 11 majit ka hyrë në javën vendimtare.
