Osmani pret sot Peter Sorensen në takim në Presidencë

Presidentja e Republikës së Kosovës, Vjosa Osmani, do të zhvillojë sot një takim me Përfaqësuesin e Bashkimit Evropian për Dialogun Kosovë–Serbi, Peter Sorensen.

Takimi pritet të mbahet në ora 10:00 në Kabinetin e Presidentes, sipas njoftimit zyrtar nga Presidenca.

Mediat do të kenë mundësinë të marrin pamje në fillim të takimit, ndërkohë që nuk është bërë e ditur nëse pas takimit do të mbahet një konferencë për media.