Nagip Krasniqi para Gjykatës për akuzat ndaj tij
Ish-Kryeshefi i Korporatës Energjetike të Kosovës (KEK), Nagip Krasniqi, u paraqit sot në Gjykatën Themelore të Prishtinës lidhur me aktakuzat e ngritura ndaj tij nga Prokuroria Speciale.
Krasniqi përballet me dy aktakuza. Aktakuza e re e ngarkon atë, së bashku me dy persona të tjerë, për dëm ekonomik ndaj shtetit në vlerë prej 37 milionë eurosh.
Sipas Prokurorisë, aktakuza e datës 31 dhjetor 2024 akuzon Krasniqin, Ymer Dragushën dhe Isuf Zejnën për veprat penale “Keqpërdorim i detyrës apo autoritetit zyrtar, zbulimi i fshehtësisë zyrtare dhe ndihmë në keqpërdorim të detyrës dhe autoritet zyrtar”.
Ndërkohë, aktakuza e parë ndaj Krasniqit është ngritur më 19 gusht 2024 për keqpërdorim të pozitës apo autoritetit zyrtar.
Gjykimi për këtë rast pritet të zhvillohet në ditët në vijim.
