Menaxherët shqiptarë me suksese në arenën ndërkombëtare të futbollit
Përveç futbollistëve shqiptarë që po shkëlqejnë në fushë, edhe menaxherët shqiptarë po arrijnë suksese të mëdha në arenën ndërkombëtare.
Dren Loshaj dhe Yasin Besli, pjesë e agjencisë prestigjioze “M-Soccermanagement”, po bëjnë hapa të rëndësishëm në menaxhimin e futbollistëve elitarë. Besli ushtron detyrën e Drejtorit Ekzekutiv, ndërsa Loshaj është menaxher aktiv në këtë kompani.
Agjencia ka nën menaxhim disa emra të njohur si Orel Mangala, Denis Dragus, Yanataio, Enrico Sposato, Adem Besli, Kevin Rodrigues dhe Reza Soorani, të cilët po zhvillohen me hapa të sigurt në futbollin evropian.
Gjithashtu, “M-Soccermanagement” bashkëpunon me talente të rinj premtues nga akademitë e Borussia Dortmund, Schalke 04, Borussia Mönchengladbach, Sporting Lisabon, KRC Genk dhe shumë klube të tjera evropiane.
Një nga arritjet e fundit të agjencisë është transferimi i mesfushorit guineas Morlaye Sylla te Damac FC në Ligën Profesionale Saudite. Sylla, i cili më parë ka luajtur në Kategorinë e Parë të Portugalisë dhe është pjesë e kombëtares së Guinesë, tashmë do të nisë një kapitull të ri në Lindjen e Mesme.
Kjo tregon edhe një herë ndikimin e menaxherëve shqiptarë në tregun ndërkombëtar të futbollit dhe sukseset që po arrijnë përtej kufijve.
