Meloni uron Ramën për rizgjedhjen “tërësisht të papritur”: Shqipëria meriton vendin e saj në Evropë
Në fjalimin e saj gjatë Samitit Evropian të zhvilluar në Tiranë, kryeministrja italiane Giorgia Meloni ka uruar Edi Ramën për rizgjedhjen e tij si udhëheqës i qeverisë shqiptare, duke e quajtur këtë një rezultat “tërësisht të papritur”.
“Dëshiroj të uroj Edin për rizgjedhjen e tij të papritur si udhëheqës i qeverisë,” tha Meloni, duke vlerësuar rolin e Shqipërisë si mikpritëse e Samitit për herë të parë. Ajo e cilësoi këtë një moment historik jo vetëm për kombin shqiptar, por edhe për të gjithë Evropën. “Unë gjithmonë kam besuar se identiteti evropian i Shqipërisë është fakt nga historia përpara gjeografisë,” theksoi Meloni.
Duke përmendur rëndësinë strategjike të Ballkanit Perëndimor në projektin evropian, Meloni deklaroi se nuk mund të ndërtohet një Evropë e re në një botë të re pa këtë rajon. “Italia është e angazhuar në Bruksel për të mbështetur qasjen ndaj Ballkanit Perëndimor, pavarësisht sfidave,” u shpreh ajo, duke shtuar se këto vende meritojnë një perspektivë të qartë anëtarësimi në BE.
Kryeministrja italiane shprehu gjithashtu mbështetjen e plotë për Ukrainën, në sfondin e agresionit rus, duke e quajtur këtë konflikt një plagë që po destabilizon rendin ndërkombëtar. “Çdo ditë heroizmi i Ukrainës na kujton themelin e kombeve tona që është liria. Ne do të vazhdojmë të qëndrojmë në krah të Ukrainës dhe do të bëjmë çmos që kjo luftë të marrë fund menjëherë,” përfundoi Meloni.
