Mark Rutte pas takimit me Ramën: Diskutuam për Ballkanin dhe rolin e Shqipërisë në NATO
Kryeministri i ri i Holandës dhe njëkohësisht shefi i ardhshëm i NATO-s, Mark Rutte, zhvilloi një takim me Kryeministrin Edi Rama në Tiranë, në prag të Samitit Politik Evropian.
Përmes një postimi në platformën X, Rutte tha se me Ramën kanë biseduar për zhvillimet në Ballkanin Perëndimor, kontributet e Shqipërisë në Aleancën Veri-Atlantike, si dhe për përgatitjet për Samitin e ardhshëm të NATO-s që do të mbahet në Hagë.
“Kënaqësi që takova mikun tim Edi Rama përpara Samitit Politik Evropian në Tiranë sot. Diskutuam situatën në Ballkanin Perëndimor, kontributet që Shqipëria jep në Aleancë dhe përgatitjet për Samitin e ardhshëm të NATO-s në Hagë”, shkroi Rutte.
Takimi vjen në një moment kur rajoni i Ballkanit po qëndron në vëmendjen e aleancës për shkak të tensioneve të herëpashershme dhe përpjekjeve për integrim më të thellë euroatlantik.
