Në një kohë kur shqiptarët kërkojnë ndryshim të vërtetë, Adriatik Lapaj dhe lëvizja e tij politike “Shqipëria Bëhet” po njohin një rritje të jashtëzakonshme të mbështetjes në mbarë vendin. Sipas një sondazhi të Euronews Albania të realizuar në tetor 2024, Lapaj renditej si politikani më i pëlqyer në vend me një nivel mbështetjeje prej 46.2%, duke lënë pas edhe kryeministrin aktual Edi Rama.
Themeluar në shtator 2023, “Shqipëria Bëhet” ka evoluar nga një nismë qytetare në një alternativë politike serioze, duke ofruar një platformë që synon një Shqipëri më të drejtë, më të pasur dhe më të sigurt. Lapaj është angazhuar për një politikë të re, larg korrupsionit dhe padrejtësive, ku qytetari të jetë në qendër të vendimmarrjes.
Në mars 2025, Adriatik Lapaj dhe Endri Shabani nga “Nisma Thurje” bashkuan forcat për të krijuar koalicionin “Nisma Shqipëria Bëhet”, një hap i rëndësishëm drejt një politike më të pastër dhe më të përfshirëse për të gjithë qytetarët shqiptarë. Kjo aleancë synon të kthejë besimin e humbur të njerëzve në institucione dhe në proceset demokratike.
Fushata e udhëhequr nga Lapaj është duke u zhvilluar me dinjitet dhe energji pozitive, përmes takimeve të shumta me qytetarët në çdo cep të Shqipërisë. Lapaj nuk premton mrekulli, por garanton përkushtim, ndershmëri dhe një model të ri politik, duke u bërë zëri i një brezi të ri shqiptarësh që kërkojnë dinjitet dhe të ardhme më të mirë.
Nëpërmjet fushatës së tij, Adriatik Lapaj po frymëzon mijëra shqiptarë që besojnë se ndryshimi është i mundur. Me mesazhin e tij të qartë për një Shqipëri të ndërtuar mbi drejtësinë, punën dhe dinjitetin, Lapaj po e forcon pozicionin si një lider i shpresës dhe rilindjes politike në vend. Blic.al
