Gjendje e qetë në kufi, autoritetet apelojnë për informim paraprak

Qendra Kombëtare për Menaxhimin Kufitar ka njoftuar se situata në të gjitha pikat kufitare paraqitet e qetë, pa ndonjë vonesë apo radhë të gjata. Përditësimi i fundit vjen në një periudhë me fluks të shtuar të ardhjeve nga mërgata.

Në këtë kontekst, autoritetet u bëjnë thirrje qytetarëve që, përpara nisjes së udhëtimit, të informohen në kohë reale për gjendjen në kufi, me qëllim shmangien e pritjeve të mundshme gjatë ditëve në vijim.

Me rritjen e prurjeve të bashkatdhetarëve për pushimet verore, parashikohet që trafiku në pikat kufitare të shtohet ndjeshëm, prandaj informimi paraprak mbetet çelës për udhëtime më të lehta dhe më të shpejta.