FSK zhvillon ushtrimin fushor “Ujku Shigjetë” për validimin e Regjimentit të Tretë Tokësor

Forca e Sigurisë së Kosovës (FSK) është duke realizuar ushtrimin fushor “Ujku Shigjetë”, në kuadër të parapërgatitjeve për validimin e Regjimentit të Tretë të Forcave Tokësore.

Ky ushtrim ka për qëllim testimin dhe ngritjen e kapaciteteve operacionale të pjesëtarëve të FSK-së, të cilët po tregojnë disiplinë, profesionalizëm dhe përkushtim në përmbushjen e misionit dhe detyrave të tyre.

Përmes këtij ushtrimi, FSK afirmon gatishmërinë dhe aftësinë për të vepruar si një forcë profesionale, në shërbim të vendit dhe qytetarëve të Kosovës.