Fier – Mbyllet numërimi në pjesën dërrmuese të kutive, PS siguron 12 mandate, PD vetëm 4
Procesi i numërimit të votave preferenciale vijon në qarkun e Fierit, ku deri më tani janë numëruar 552 nga 587 kuti në total. Rezultatet paraprake tregojnë një epërsi të dukshme të Partisë Socialiste, e cila ka siguruar 12 mandate, kundrejt 4 mandateve të fituara nga koalicioni opozitar “PD – Aleanca për Shqipërinë Madhështore”.
Nga ana e Partisë Socialiste, përveç 5 deputetëve të listës së mbyllur, në Kuvend do të përfaqësohen edhe 7 kandidatë të dalë nga lista e hapur. Në krye të kësaj liste renditet Klevis Jahaj me 12,289 vota preferenciale, i ndjekur nga Asfloral Haxhiu dhe Ceno Klosi me përkatësisht 11,524 dhe 15,182 vota.
12 deputetët që do të përfaqësojnë PS-në në Kuvend janë:
Belinda Balluku
Petrit Malaj
Kiduina Zaka
Erjo Mile
Ana Nako
Ceno Klosi – 15,182 vota
Klevis Jahaj – 12,289 vota
Asfloral Haxhiu – 11,524 vota
Antoneta Dhima – 6,460 vota
Elton Korreshi – 5,889 vota
Zegjine Çaushi – 3,835 vota
Dhimitër Kruti – 3,608 vota
Ndërkohë, nga radhët e PD-së janë zgjedhur 4 deputetët e mëposhtëm:
Gazment Bardhi
Luan Baçi
Brunilda Haxhiu
Saimir Korreshi
Numërimi në Fier pritet të përfundojë së shpejti, por ndarja e mandateve tashmë është praktikisht e konfirmuar. Ky rezultat thekson dominimin e PS-së në këtë qark, ndërkohë që opozita mbetet në një pozitë të dobët përfaqësimi.
