Ervin Karamuço: ADN e autorëve të atentatit në Lundër e vështirë të identifikohet, mund të ndihmojnë autoritetet ndërkombëtare

Eksperti i kriminalistikës, Ervin Karamuço, ka deklaruar se ADN e autorëve të atentatit në Lundër është shumë e vështirë për t’u identifikuar. Në një intervistë për emisionin “ABC e Mëngjesit”, Karamuço theksoi se ADN-ja është e përzier dhe kjo bën që identifikimi i autorëve të jetë një proces shumë kompleks.

Ai gjithashtu shtoi se këto janë çështje shumë shkencore, por ndihma nga autoritetet ndërkombëtare mund të jetë një mundësi për të avancuar hetimet. Karamuço theksoi se ka pasur raste në të kaluarën ku autorët kanë qëndruar të heshtur dhe ka qenë e vështirë të identifikohet se kush është porositësi i atentatit.

“Ne mund të kemi ndihmë nga ndërkombëtarët për të avancuar më tej hetimet, por gjithashtu duhet të përballojmë edhe faktin që autorët mund të mos flasin dhe nuk mund të kuptojmë se kush është në prapavijë,” u shpreh ai.