Drita dhe Shkëndija përballen mes vete në Ligën e Konferencës
Skuadrat shqiptare, Drita e Gjilanit dhe Shkëndija e Tetovës, kanë mësuar kundërshtarët e tyre për fazën e ligës në Ligën e Konferencës.
Në shortin e hedhur sot në Monaco, fati ka dashur që dy ekipet shqiptare të përballen me njëra-tjetrën. Ndeshja mes Dritës dhe Shkëndijës do të zhvillohet në stadiumin “Fadil Vokrri” në Prishtinë, duke pritur të sjellë një atmosferë të zjarrtë mes tifozëve.
Përveç këtij dueli, Drita do të ketë përballje të forta kundër AZ Alkmaar, Rayo Vallecano, Omonoia, Kuopio dhe Shelbourne.
Ndërkohë, Shkëndija do të sfidojë Slovan Bratislavën, Rayo Vallecanon, Jagiellonian, Shelbournen dhe AEK Larnacën.
Kjo është hera e parë që dy skuadra shqiptare takohen mes vete në një fazë grupesh të garave evropiane, duke e bërë këtë duel historik për futbollin shqiptar.
