Dimal Basha kundërpërgjigjet ashpër Thaçit: “Kumari yt politik është fshehur në Serbi!”

Pas intervistës së dhënë me shkrim nga ish-presidenti i Kosovës, Hashim Thaçi, për Klan Kosovën, ka reaguar ashpër deputeti i VV-së, Dimal Basha. Thaçi, ndër të tjera, kishte komentuar sulmin në Banjskë, duke shprehur habinë se si Milan Radojiçiq dhe grupi i tij “u lanë të iknin si krushq lirie”.

Kjo deklaratë e Thaçit ka nxitur reagimin e Dimal Bashës, i cili përmes një postimi në rrjetet sociale e ka quajtur ish-presidentin “kumari politik” dhe e ka akuzuar për hipokrizi.

“Kqyrja gajlet kti! Shkruani letër Hashimit, kallëzoni që ky ‘kumari’ i tij politik o ka fshehet në Serbi, s’guxon m’u sill knej! N’kohën e tij Radojçiqi ka ba ‘dasëm’ në Veri”, ka shkruar Basha.

Përplasja vjen në një kohë të tensionuar politike në Kosovë, ndërsa reagimet e figurave të larta politike rreth sigurisë dhe çështjeve të veriut vazhdojnë të jenë në qendër të debatit publik