Berisha pas mitingut përmbyllës: Të bashkuar më shumë se kurrë, më 11 maj hapim një kapitull të ri

Kryetari i Partisë Demokratike, Sali Berisha, ka reaguar pas mitingut përmbyllës elektoral të mbajtur mbrëmjen e djeshme, duke e cilësuar atë si një “takim madhështor” dhe një dëshmi të bashkimit të demokratëve.

Përmes një postimi në Facebook, Berisha shprehu mirënjohjen për pjesëmarrjen masive të qytetarëve, duke theksuar se rrugëtimi i tij politik ka qenë i vështirë, por gjithmonë i mbështetur në shpresë dhe besim.

“Sot jemi më të bashkuar se kurrë”, u shpreh ai, ndërsa u bëri thirrje qytetarëve që më 11 maj të dalin në votime për të hapur një “kapitull të ri” drejt, siç e quajti ai, një “Shqipërie Madhështore”.

Ky mesazh vjen në prag të zgjedhjeve të 11 majit, ku Partia Demokratike synon të rikthehet në pushtet me një platformë të re politike.