Aksident tragjik në aksin Shkodër–Velipojë, humb jetën një 76-vjeçar
Një aksident me pasojë vdekjen e një personi ka ndodhur paraditen e sotme në aksin rrugor Shkodër–Velipojë. Sipas informacioneve zyrtare të Policisë së Shtetit, ngjarja ka ndodhur rreth orës 10:00, kur një automjet i drejtuar nga shtetasja Zana Kola ka humbur kontrollin dhe ka përplasur një këmbësor.
Për pasojë, 76-vjeçari Gjovalin Nikolli ka ndërruar jetë në vendngjarje si rezultat i plagëve të rënda të marra nga përplasja.
Policia bën me dije se me drejtuesen e mjetit po kryhen veprimet procedurale përkatëse, ndërkohë që grupi hetimor vijon punën për zbardhjen e plotë të rrethanave të aksidentit.
Ngjarja ka shkaktuar tronditje në zonë, ndërsa autoritetet bëjnë apel për kujdes të shtuar në qarkullimin rrugor, veçanërisht në rrugët interurbane.
