Ajola Xoxa paraqitet në GJKKO pas ndryshimit të masës së sigurisë

Ajola Xoxa është paraqitur këtë të premte në Gjykatën e Posaçme Kundër Korrupsionit dhe Krimit të Organizuar (GJKKO), në zbatim të masës së “detyrimit për t’u paraqitur”, të caktuar më herët ndaj saj.

Fillimisht, ndaj Xoxës ishte vendosur masa e sigurisë “arrest shtëpie”, për shkak të akuzave për korrupsion në 9 raste, pastrim parash dhe fshehje pasurie. Megjithatë, në seancën e datës 12 shkurt, GJKKO vendosi të zbusë masën e sigurisë, duke e ndryshuar atë në “detyrim paraqitjeje” dhe “ndalim për të dalë jashtë vendit”.

Kjo paraqitje e së premtes ishte në kuadër të respektimit të kësaj mase të re sigurie. Procesi ndaj Ajola Xoxës vijon, ndërsa hetimet për akuzat e ngritura ndaj saj janë ende në zhvillim.