Gjirokastër: PS siguron tre mandate, PD vetëm një – Deputetët e rinj të zgjedhur

Partia Socialiste ka siguruar tre mandate në qarkun e Gjirokastrës, ndërsa Partia Demokratike dhe aleatët e saj kanë arritur të fitojnë vetëm një mandat.

Sipas rezultateve paraprake, nga lista e mbyllur e PS-së, një vend në Kuvend e siguron Mirela Kumbaro, njëherësh edhe drejtuesja politike e këtij qarku. Ndërkohë, dy mandatet e tjera i takojnë kandidatëve nga lista e hapur: ish-kryebashkiaku i Tepelenës, Tërmet Peçi, me 9468 vota dhe Pirro Dhima me 6902 vota.

Nga ana tjetër, Partia Demokratike dhe aleatët e saj kanë nxjerrë vetëm një deputet nga lista e mbyllur: Tritan Shehun.

Deputetët e zgjedhur në qarkun Gjirokastër:

Partia Socialiste:

Mirela Kumbaro (listë e mbyllur)

Tërmet Peçi (listë e hapur – 9468 vota)

Pirro Dhima (listë e hapur – 6902 vota)

Partia Demokratike – Aleanca për Shqipërinë më të Mirë:

Tritan Shehu (listë e mbyllur)

Rezultatet janë ende paraprake, pasi në to nuk janë përfshirë votat e diasporës, të cilat pritet të pasqyrohen në ditët në vijim.