Tre të mitur plagosen me thikë në Prishtinë

Plagosen me thikë 3 të mitur në Prishtinë, njofton Policia e Kosovës.
Sipas policisë, të lënduarit janë dërguar në QKUK për tretman mjekësor, ku pas marrjes së tretmanit dy nga ta janë liruar, ndërsa njëri prej tyre është ndaluar për tretman të mëtutjeshëm mjekësor, raporton KosovaPress.

“Rr. Tahir Zajmi, Prishtinë 30.04.2025-13:10. Pas marrjes së një informate për therje me thikë, njësitet policore kanë dalë në vendin e ngjarjes ku kanë hasur në tre persona meshkuj kosovarë  të moshës se mitur të cilët dyshohet se janë therur me mjet të mprehtë –thikë. Të lënduarit janë dërguar ne QKUK për tretman mjekësor, ku pas marrjes së tretmanit dy nga ta  janë liruar, ndërsa njëri prej tyre është ndaluar për tretman të mëtutjeshëm mjekësor”, thuhet në raportin 24 orësh të policisë.

Lidhur me rastin është intervistuar i dyshuari mashkull kosovar dhe me vendim të prokurorit është  dërguar në mbajtje.