107 të ndaluar në tre muaj: Prokuroria e Pejës intensifikon luftën kundër krimit

Prokuroria Themelore në Pejë ka njoftuar se gjatë tre muajve të parë të vitit 2026 (janar, shkurt dhe mars) janë ndaluar gjithsej 107 persona për vepra të ndryshme penale.

Sipas njoftimit, ndalimet janë realizuar nga departamenti i krimeve të rënda, departamenti i përgjithshëm dhe ai për të mitur, ku të dyshuarit janë mbajtur në ndalim për 48 orë, në përputhje me Kodin Penal të Republikës së Kosovës.

Mesatarisht, gjatë kësaj periudhe janë ndaluar rreth 36 persona në muaj, çka tregon një angazhim të shtuar të organeve të drejtësisë në trajtimin e rasteve penale.

Prokuroria Themelore në Pejë thekson se mbetet e përkushtuar në luftimin e dukurive negative dhe në ndjekjen e të gjithë personave që bien ndesh me ligjin.