Bahrije Bilalli – Kujdesi shëndetësor me dinjitet për të gjithë

Bahrije Bilalli, kandidate për Asamblenë Komunale të Prishtinës nga lëvizja qytetare “Prishtina në Dorën Tënde”, vjen me një fokus të qartë: përmirësimi i aksesit në shërbimet shëndetësore dhe sociale, veçanërisht për grupet më të cenueshme të shoqërisë.

Me përvojë të gjatë në sistemin shëndetësor dhe një përkushtim të palëkundur për mirëqenien e qytetarëve, Bahrija beson se shëndetësia nuk është privilegj, por e drejtë themelore, dhe kjo e drejtë duhet të garantohet në mënyrë të barabartë për të gjithë – pa dallim moshe, gjinie, statusi ekonomik apo aftësie fizike.

Në Prishtinë ende ka shumë barriera në qasje, nga mungesa e infrastrukturës për personat me nevoja të veçanta, deri te vonesat në shërbime për të moshuarit dhe mungesa e mbështetjes për familjet në nevojë. Për Bahrijen, këto nuk janë vetëm shifra – janë histori reale njerëzore që meritojnë zgjidhje të menjëhershme.

Objektivi i saj ne Programin e PDT saj fokusohet në:

Zgjerimin dhe përmirësimin e shërbimeve mjekësore në lagje, me theks të veçantë në ambulancat lokale dhe qendrat e mjekësisë familjare.

Rritjen e investimeve në kujdesin social dhe shërbimet për të moshuarit, gratë në situatë të vështirë dhe personat me aftësi të kufizuara.

Trajnimin e stafit shëndetësor dhe rritjen e ndërgjegjësimit për qasje të barabartë dhe humane.

Bahrije Bilalli është zëri i atyre që shpesh harrohen në debatet politike, por që janë pjesa më e ndjeshme dhe më e vlefshme e shoqërisë. Ajo beson në një Prishtinë ku secili qytetar ndjehet i sigurt, i përfshirë dhe i respektuar – sidomos kur ka më së shumti nevojë për përkujdesje.

👉 Voto 165.

👉 Voto Bahrije Bilalli Nr. 6 .

👉 Voto për kryeqytetin e qytetarëve të saj!