Presidenti Begaj takohet me Presidentin Trump në SHBA: “Miqësia shqiptaro-amerikane, një lidhje e pathyeshme”
Presidenti i Republikës së Shqipërisë, Bajram Begaj, së bashku me zonjën e parë Armanda Begaj, zhvilloi një takim me Presidentin e Shteteve të Bashkuara të Amerikës, Donald Trump, dhe zonjën e parë Melania Trump.
Takimi u zhvillua në një atmosferë miqësore dhe të ngrohtë, duke reflektuar lidhjet e hershme dhe të forta ndërmjet Shqipërisë dhe SHBA-së.
Përmes një postimi në rrjetet sociale, Presidenti Begaj ndau momente nga ky takim, duke theksuar rëndësinë e partneritetit strategjik mes dy vendeve.
“Miqësia shqiptaro-amerikane, një lidhje e fortë dhe e pathyeshme, një aleancë historike dhe strategjike,” – shkroi Presidenti Begaj.
Ky takim konsiderohet një tjetër dëshmi e marrëdhënieve të ngushta mes Shqipërisë dhe SHBA-së, të cilat vijojnë të jenë një shtyllë e rëndësishme e politikës së jashtme shqiptare.
